الأحد، 21 يونيو، 2009

إشراقة شمـس



عند إشراقة كل شمس

أُلملم أحزان الأمس

وأسمع في نفسي همس

لا تستسلم لليأس

ويولد أمل جديد

مع كل فجر جديد

اليوم ستأتي حبيبتي

قربها مني جنتي

هي قريبه ولا أراها

لكني أشتقت لرؤياها

هي في قلبي وفي نفسي

صورتها لا تترك عيني

ورنين الصوت في أذني

ويزداد الأمل مع الساعات

في إنتظار تلك اللحظات

تلمحني عيون الناس

وكأن لديهم إحساس

إني غارق في شوقي

فتزيد دقات قلبي

واللهفه تملئ عيني

أُصارع ساعات النهار

يقتلني طول الانتظار

أترقب ما حولي

أتشبث بأملي

ويجيء ببالي أنك أتيه

فتغمرني فرحة عارمه

وأقول أحياناً لن تأتي

فيحتل الحزن ملامح وجهي

وتمر علي الساعات

وتكثر في قلبي الاهات

ويحين وقت الغروب

فيشرع الامل في الهروب

ويأتي الليل وتغيب الشمس

وينخفض صوت الهمس

فيعود لقلبي اليأس

وتعود أحزان الامس

فأنتظر أشراقة شمس



كتبت في 2008

هناك 16 تعليقًا:

هيفاء عبده يقول...

مع انتظار اشرقة شمس يشرق معها امل الامس
يحي فيني أمل جديد كنت له بالحب اسير
ويبقى لي الانتظار مع اشراقة شمس الامل
/
ايحاء رائع من تلك الشمس ورمز الدفء
امتعتنا اخ هيثم بعبارات بل هي الحان
دمت متألقا بروعة نبض قلمك

شيماء جمال(شيمو القمر) يقول...

واااااااااااااااااو
الأمل أجمل شئ فى الوجود بدونه نفقد معنى الحياة

كلماتك حلوة قوى
جت فى وقتها

تحياتى لك
شيمو القمر

هيثــم رمضـــان يقول...

هيفاء عبده

أسعدني جداً مرورك وأشكرك علي تعليقك المميز كالعادة .
نورتيني

هيثــم رمضـــان يقول...

شيماء جمال
الحياة تبقي صعبة قوي من غير أمل لازم الانسان ديمن يحارب إحساس الياس والاحباط ويتمسك بالأمل ويخلي ثقته بالله من غير حدود وأنا مبسوط إن الكلمات البسيطة دي جت في وقتها .

تحياتي لكِ

زهور الامل يقول...

ياااااااااااااااااه
اجمل شئ في الدنيا دي انه يكون عندك امل
الامل بيسعد ويصبر اوي
واشراق الشمس يعتبر بداية لتحقيق الامل ده
اشعارك جميلة جدا
تحياتي

هيثــم رمضـــان يقول...

زهور الأمل

نورتيني في أول زيارة ليكي علي المدونه وأشكرك علي تعليقك الجميل وكلامك عن الامل وده مش غريب لان إسمك هو زهور الأمل.

تحياتي

حياه بلا عنوان يقول...

اولا البوست جميل جدا وفعلا الشمس لما بتشرق معنها يوم جديد وامل جديد لازم يكون فى حياتنا امل كل يوم والامل يزيد عندنا يوم بعد يوم وعجبنى جدا الكلمات اللى فىالبوست بتقول
لا تستسلم لليأس


ويولد أمل جديد

مع كل فجر جديد
فعلا لو الواحد مستسلمش انو يفقد الامل هيكون الشمس معاه فى كل يوم ويظهر كل يوم امل جديد ويتجدد الامل بس لو كان الشخص عوز يدى الامل لنفسه لان فى ناس كتير فقده حاجه اسمها الامل ومستسلمه لليوم فقط وانا بقول ان المستسلم لفقدان الامل بيكون ضعيف لازم يكون جوه كل واحد منا امل حتى لو كان بسيط بس يكون فى امل على الاقل انو يقدر يوصل للحياه ويقدر يوصل للتفكير الصح والسليم وميحولش يضيع كل شىء بسهوله ويقول ان الامل مفقود للاسف عن تجربه بسمع ان الامل مفقود عند شخصيات وبحاول معهم انهم يدو امل مش بقول ان امل على طول لا بس شويت امل علىالاقل يعرفو يوصلو هما عموزين ايه من الحياه يقدرو ينجحو يقدرو يوصلو للحب اللى ممكن يضيع بسبب الامل المفقود فعلا البوست جميل جدا تحياتى لحضرتك

هيثــم رمضـــان يقول...

حياة بلا عنوان
أشكرك علي كلامك الجميل ده وطبعاً أنا معاكي لان من غير الامل كانت الحياة وقفت محلك سر لو كل واحد إستسلم لليأس يبقي ماحدش حيعمل حاجه في حياته فالامل هو المحرك الرئيسي للحياة فعندما أمتلك الامل لتحقيق أهدافي وأحلامي سأسعي لتحقيق هذه الاهداف والاحلام وإذا فقدت الامل ستموت الاحلام في مهدها ولذلك لابد من التمسك بالامل والثقة بالله عز وجل والاخذ بالاسباب والتماسك عند العثرات والكبوات حتي تتحقق الاحلام بإذن الله, وفي رأي إن أهم شيء حتي لا يغادر الامل نفوسنا هو الثقه بالله وحسن الظن به فإذا فعلنا ذلك سيزيد الأمل في نفوسنا يوم بعد يوم.

تحياتي لكِ

heba يقول...

السلام عليكم ورحمة الله وبركاتة موضوع هايل بجد وكلام رائع وخصوصا لمايكون عندك امل مع كل الضغوط اللى بتحصلك فى حياتك واتمنى كل الناس تكون عندها تفاؤل فى الحياة وامل فى ربنا كبير بجد كلمات جميلة وربنا يكرمك يارب
تحياتى ليك

هيثــم رمضـــان يقول...

heba
أشكرك يا هبه على المشاركة والتعليق وبتمني معاكي التفاؤل والامل للناس كلها ومتشكر جداً علي دعوتك وربنا يكرمنا جميعاً إن شاء الله.

تحياتي

طـــائر الليــــل الحـــــزين يقول...

هيثم رمضان
بجد الله عليك
وتسلم ايدك
وكمان على الدعوة الجميلة دى للحبيبة
عبرت عنها بكلمات انا شايفها ملهاش حل
كل بوست بيكون احلى من اللى قبله
تحياااااااااااااتى
وبجد بترجعلى الامل فى وجود رجالة عندها كمية احساس مش عادى

هيثــم رمضـــان يقول...

طائر الليل الحزين
بجد مش عارف أقولك إيه بس بشكرك جداً علي كلماتك الجميلة والحمد لله أنا مبسوط جداً علشان كلماتي البسيطة بتعجبكوا .. ولازم يكون عندك أمل في رجالة عندها إحساس ومشاعر لانهم بشر وكل البشر عندهم إحساس ومشاعر فلو الرجل حَب حُب صادق حقيقي هتلاقي عنده الاحساس والمشاعر مش حب تمثيلي زي المنتشر اليومين دول بس معظم الرجالة بيبقي عندهم مشكلة في التعبير عن مشاعرهم الجميلة وخصوصاً بعد الجواز لانشغالهم بالحياة ومشاغل الحياة ولكن الرجل اللي يفهم طبيعة الست كويس هيعرف إنه لازم يعبر لها عن حبه وتقديره لها بإستمرار

فراشة يقول...

اهكذا جعلت اليأس اقوى من الامل
احتفظ بأملك لا تجعل الشمس تأخذه معها وهى تغرب
اجعلها ان أخذته تعود به اكثر قوة
لا تستسلم لليأس فهو اضعف من مجرد التفكير به ولكن ضعفه يستمد قوته من قلوبنا فلا تيأس
وانظر للشروق وابتعد عن الغروب

كلماتك يا هيثم رائعة واسلوبك جميل ورقيق
تحياتى لك

صدى الصمت - عاشقة الورد - يقول...

كلمات أكثر من رائعة
احييك على هذا البوست المتميز
تحياتى

هيثــم رمضـــان يقول...

فراشة
أسعدني وجودك وأشكرك علي التعليق الجميل وأنا أتفق معكي تماماً في الرأي لابد من التمسك والتعلق بالامل وطرد شعور اليأس من القلب وهذا ما حدث في الخاطرة بدأت بالامل وتخللها بعض اليأس الوارد حدوثة ثم إنتهت بإنتظار أمل جديد مع إشراقة شمس جديدة ليطرد معه شعور اليأس الدخيل,فمن الوارد أن نشعر ببعض اليأس لكن دون أن نستسلم له ومحاربتة وإستعادة الأمل .

هيثــم رمضـــان يقول...

صدي الصمت
أشكرك جداً علي هذة المشاركة الجميلة وإن كان البوست متميز فتعليقاتكم تجعله أكثر تميزاً.


تحياتي