محلاكي يا ليلة رمضان
أنا فاكر ليلة رمضان
أهنيهم بشهر القرآن
وللفانوس علقنا
والزينة قمنا ولزقنا
من شباك خاله شفيقه
لحد اوضة حنتيرة
وكنفاني نصب علي النصية
وكل الناس بقت هايصه
عَمال يلف علي الصاجه
دي كنافة أخر آلاجه
وقطايف كبيرة وعصافيري
وتمنها علي أد ايدي
وبتاع الفول علي الميدان
وجنبه بتاع عيش غلبان
وجبت شوية فول وزتون
وزبادي وفجل وحبة لمون
وشوية وجه عمنا شعبان
يدق الطبله تصحي النعسان
وينادي علي طلبه ومرسي
والواد سيد وعم حسني
وكله قام عشان السحور
ماهو لسه بدري علي الفطور
والفجر قال الله اكبر
يالا يا حوده يالا يا عنتر
ع الجامع روحنا وصلينا
وللشمس قعدنا استنينا
واليوم عدا بسرعة علينا
ورُحت علي عمي ابو سكر
ده عرقسوسه زي السكر
وقعدت استني المدفع
يضرب بسرعة ويطرقع
وباسم الله سمينا
وع الفطار اتلمينا
واتفرجنا علي بكار
لحد ما خلصنا فطار
وبسرعة لقيت كله قام
ع العشا وصلاة القيام
رحُت مع ابويا وصلينا
وعلي الحبايب عدينا
ورجعت ع البيت أغير
وخدت اخويا الصغير
وناديت علي هيمه وانور
وجبنا الكرة ولعبنا
لحد ما كلنا تعبنا
والايام عدت أوام
وعم شعبان غير الكلام
بوم.... بوم...... بوم.......
الوداع الوداع يا شهر الطيبات
الوداع الوداع يا شهرالبركات
الوداع الوداع يا شهرالحسنات
الوداع الوداع يا شهر الصلوات
كُتبت في 2006
هناك 27 تعليقًا:
وااااااااااو اول تعليق الحمدلله يارب
احجز بقا انا اول تعليق
وبعدين ده لرمضان
انا جايه تانى
الله بجد حضرتك عملت بوست بكلمات جميله قوى
رمضان شهر من احسن الشهور بجد الواحد متشوق جدا ليه بس تعرف المسلسلات كميه كبيره جدا والواحد بيقول سبحان الله هو رمضان جاى علشان الصيام والعباده ولا جاى للمسلسلات ربنا يارب ياستر وميلهيش حد عن العباده والصلاه والذكاه وفعل الخير يارب يارب قوينا وثبتنا يارب على الطاعه وعلى الدعاء والصلاه والقيام يارب العالمين
بوست جميل وصور اجمل واحساس برمضان اجمل واجمل
تحياتى
السلام عليكم
هيثوم الجميل
كل سنه وانت طيب
رمضان كريم
كلامك جميل قووى ربنا يديم عليك نعمة الابداع والتألق يا هيثم
الله عليك هو ده فعلا رمضان الصور تحفه وجميله قووى والكلمات فى غاية الروعه
اسلوبك فوق الوصف
ربنا يسعدك يارب
دمت بكل خير
مودتى
ايناس
الله عليك بجد
انا فرحانة اوي بالبوست ده
طول ما انا بقراه وانا الابتسامة على وشي
وعيشتني بكلامك الرائع كل لحظة من لحظات رمضان
وكمان الصور في منتهى الروعة
بجد انت ملكش حل يا استاذ هيثم
بوست جميل جدا جدا
كل سنة وانت طيب
وربنا يتقبل منك الصيام والقيام
ويعيد عليك هذه الايام بالخير واليمن ولبركات
تحياتي
اشعلت الشوق والحنين لهذا الشهر الفضيل
أعاده الله علينا باليمن والبركات
كلمات جميله واسلوب شيق
في سرد العادات اليوميه لديكم في رمضان
كل سنة وانت طيب ياهيثم
كل عام وانتم بخير
بمناسبة شهر رمضان المبارك
الله عليك بجد
وكل سنة وانت طيب
وربنا يجعل ايامك كلها جميله وكلها خير وحب وسعاده
عليك وعلى كل اللى بتحبهم وبيحبوك
السلام عليكم/ كل سنه وانت طيب ويارب يتقبل منا ومنك ومن كل المسلمين اجمعين واكيد الايام الحلوه بتجرى بسرعه ومش بنحس بيها
تحياتى/سندريلا
حياة بلا عنوان
أهلاً يا حياة منورة المدونه وكل سنه وانتي طيبة وربنا يتقبل منك رمضان ويعينك علي العبادة .
تقبلي تحياتي
عاشقة الاحزان
إزيك يا إيناس بجد تعليق جميل وديماً بتديني أكتر من حقي ,بشكرك علي رأيك في الكلمات وفي الصور وعلي فكره الأحداث والاسماء اللي في الخاطره معظمها من الواقع وأنا عشتها لاني كنت عايش في شبرا والمظاهر دي موجوده في المناطق الشعبية الجميلة بس.
تقبلي تحياتي
زهور الأمل
بشكرك جداً جداً علي تعليقك الرقيق وأنا فرحان قوي علشان الابتسامه كانت علي وشك وأنتي بتقري وربنا يديم عليكي الابتسام دايماً, كل سنه وانتي طيبة وربنا يتقبل منك رمضان.
تقبلي تحياتي
المبدعه هيفاء
كل سنه وإنتي طيبة وبشكرك علي تعليقك ويارب أكون عرفت أوصف مشاهد رمضان في القاهرة تحديداً واللي بتختلف عن أي مكان تاني , وأكيد عندكوا في المملكة عادات وتقاليد مختلفة,عموماً كل سنه وإنتي بألف خير.
تقبلي تحياتي
بحب الحكومة
كل سنة وإنت طيب ورمضان كريم.
تقبل تحياتي
طائر الليل الحزين
بشكرك جداً جداً علي الدعاء وعلي التعليق الجميل وكل سنه وإنتي طيبه وربنا يتقبل منك رمضان.
تقبلي تحياتي
سندريلا
كل سنه وإنتي طيبه وربنا يتقبل منك وإن شاء الله رمضان اللي جاي تكوني في أحسن حال وفي سعاده وتحققي كل أحلامك.
تقبلي تحياتي
السلام عليكم.. كل عام وأنت بخير.. أنا مسلم.. نعم اسمي مسلم.. أنا سعيد والحمد لله بميلادي مع شهر رمضان المبارك وسأكون سعيدا أكثر بزيارتك..
بجد كلمات راشعة
انا حبيتها اوى
انت تقريبا لميت رمضان كلة فى موضوع
بجد رمضان كريم ومبارك عليك
اشتقتلك كتير
تحياتى
المسلم الصغير
وعليكم السلام ورحمة الله وبركاته وكل عام وأنت بخير إنتظر زيارتي بإذن الله.
تحياتي
Hossam
إزيك يا صديقي العزيز وكل سنة وإنت طيب ورمضان كريم , وبشكرك علي تعليقك الجميل وديماً منورني إن شاء الله.
تحياتي
السلام عليكم اولا
بصراحة ياهيثم انت عامل شغل جامد فى الموضوع رمضان دة بالصور دى بجد بحب رمضان بكل حاجة فية وبتمنى يكون رمضان السنة كلها معلش اتأخرت عليك فى التعليق
تقبل مرورى
heba
بوست رائع بكل معانى رمضان وطقوسة الرائعة
كل عام وانت بألف خير
heba
منوره يا هبه ولا يهمك التأخير وشكراً علي تعليقك وكل سنة وإنتي طيبة.
تحياتي
صدي الصمت
كل سنه وإنتي طيبة ورمضان كريم وبشكرك جداً علي رأيك في البوست.
تحياتي
http://sotmoaq.blogspot.com جديد جدا على مدونة صوت المعاق و اول انطلاقه لنا حنسمعك صوتنا و بايدينا حنغير واقعنا
السلام عليكم ورحمة الله وبركاته
موضوعك جميل وكلامه حلو
كل سنة وانت طيبة
ده اول زيارة ومستنية زيارتك
مشكور
على الموضوع الرائع
ونتمنى لك
المزيد من النجاح
والابداع الدائم
إرسال تعليق