الأربعاء، 14 أكتوبر، 2009

أشعـــــــــــاري



إعتدت كتابة أشعاري


لاُعبر عن وجداني


فيبوح قلمي بأحزاني


ويسرد كل آلامي


أشكو من ظلم الأيام


أتذكر تك الأحلام


أسهر والناس نيام


تتخبطني الأوهام


تاره أكتب عن الفراق


وأخري أتمني لقاء


فمره يغلبني بُكاء


وأخري تأخذني الأشياء


وأعود وأكتب همسات


تحكي عن شوق السنوات


أتجول بين الذكريات


وكأني وسط الطرقات


وقرأ الناس أشعاري


وتعجبوا من أحزاني


وقالوا إني أغالي


واجتمعوا علي سؤالي


تكتب عن تلك السنوات


ألم تكفيك لنسيان ما فات


فحبك أصبح رفات


أم إنها خيالات


قلت لا إنه حبي


فلن تشعروا بجرحي


إلا إذا أخذتم قلبي


فهو الحب وما ذنبي


ربما يكون حبي


ليس كالحب العادي


فحبي يمتلك فؤادي


فلو أصروا إني أغالي


سأظل أكتب.... ولا أبالي



كتبت في ديسمبر 2007

هناك 36 تعليقًا:

زهور الامل يقول...

اكتب يا باشا اكتب
والله العظيم انت كلماتك ورقة احساسك بتسعدنا جدا جدا

ما شاء الله عليك
انا مش عارفة انت ليه مش بتعمل ديوان شعر وتنزله السوق

القصيدة في منتهى الروعة

تحياتي

عاشقة الأحزان يقول...

السلام عليكم

ازيك ياهيثم اخبارك ايه نورت مدونتك
وبلاش تغيب علينا كده
بسم الله ماشاء الله عليك
اكتب وعبر عن اللى جواك
ربنا يكرمك يارب ويسعدك ويريح قلبك يارب
كلمات فى منتهى الروعه ربنا يزيدك ابداع
دمت بكل خير

heba يقول...

السلام عليكم ورحمة الله وبركاتة اولا
فينك من فترة وحمدالله على سلامتك وماتبقاش تتأخر كدة كتير
ثانيا بقى كلمات بجد حلوة قوى انا بحييك عليها ياهيثم وجميلة واحساسك فيها حلو

تقبل مرورى

heba

Pink Dreams يقول...

الله بجد كلامك جميل قوى

كلمات اكتر من رائعه

دمت مبدع

تحياتى

همس الارواح !! يقول...

هيثم

شكرا لمرورك فى مدونتى

بس بجد البوست جميل اوى
واحساسك عالى جدا

واستمر فى الكتابه لكى يتسنى لنا التعلم منك ومن ابداعك

دمت متالق

وان شاء الله يدوم التواصل بينا


تحياتى

حياه بلا عنوان يقول...

السلام عليكم ورحمه الله وبركاته
طبعا اولا حمدالله على السلامه والمدونه نورت تانى
اما بقا عن البوست فطبعا جميل قوى وكلماته
جميله قوى سعات كتير الواحد بيشكى من ظلم الايام
لان سعات الايام بتيجى على الواحد بس اكيد الانسان هو اللى بيكون السبب فى ده جميل اننا نحكى عن شوق السنوات الماضيه وممكن تكون فعلا مشتقين ليها فى الوقت الحالى لكن بندور عليها ومش بنلقيها لان ممكن نكون نسنها او بنخدع نفسنا اننا نسينها لكن هى عمرها مابتتنسى من ذهن الواحد وربما تتنسا اذا كانت سنوات لم تذكر ولم يهتم ان نتذكرها وربما سنوات نهتم ان نتذكرها فالنتذكرها طبعا
اكيد لم يشعر بالجرح الا اذا انجرح نفس الجرح الاخرين
وربنا لا ينجرح لكنه يعيش فى تعاسه وربما يعيش فى هناء فها هى الحياه بحلوها وبمرها
اسفه انى طولت بس قولت اعوض البوست اللى فات بقا سورى
تحياتى

هيفاء يقول...

اكتب هيثم ولا تبالي
فلوم الناس من التسالي

فلو اكترثت بلومهم
فلن يكون غيرك يعاني

ونحن بدورنا ننتظر تلك الكلمات
فلها وقع جميل نشربه بعذوبة

دمت عذب الاحساس

شيماء جمال(شيمو القمر) يقول...

لو كتبنا عن الحب الذى يملئ قلوبنا لن يكفى عمرنا بأكمله وهذا لمن عرف معنى الحب وتذوقه

كلامك جميل قوى

تحياتى لك
شيمو القمر

طـــائر الليــــل الحـــــزين يقول...

هيثم
تعرف مش لقيه كلام اقوله
بس يمكن عشان حسيت انك بتتكلم عنى
قد ايه الكلام جه فى الصميم زى ما بيقولوا
دمت مبدع
واسفة انى التعليق مشرحش البوست زى ما بعمل دايما

هيثــم رمضـــان يقول...

زهور الأمل
إزيك يا زهور ,يعني لو نزّلت ديوان هتشتريه؟ لاء طبعاً علشان هيبقي ليكي نسخه هديه , وعلي فكره الديوان جاهز وهو عبارة عن 60 قصيده أختارتهم من بين 180 خاطره كتبتهم في 3 سنين لاني بدأت في 2006 واللي في المدونه منهم بس الحاجات الجديده أحسن من اللي في المدونه بس المشكله إني متردد لأني مش واخد الموضوع إحتراف وكمان مش عارف إذا كان المستوي ده يرتقي بأنه يطبع في ديوان ولا لاء عموماً ربنا يسهل وبشكرك جداً علي رأيك وتشجيعك لكلماتي البسيطه.

تحياتي

هيثــم رمضـــان يقول...

عاشقة الأحزان
الله يسلمك يا إيناس وبشكرك جداً علي التعليق وعلي الدعاء الجميل وديماً منوراني في المدونه ويارب يصلحلك الحال لاني حاسس إن مودك مش حلو .

تحياتي

هيثــم رمضـــان يقول...

heba
وعليكم السلام ورحمة الله وبركاته أنا موجود مش مختفي ولا حاجه بس الدخول علي المدونه يمكن قليل إلي حداً ما, المهم بشكرك جداً علي سؤالك وعلي تعليقك الجميل.

تحياتي

هيثــم رمضـــان يقول...

Pink Dreams
منوره في أول زيارة وشرفتيني بالتعليق وبشكرك علي رأيك ووصف كلماتي بالجميله والأجمل هي مشاركتك بالتعليق.

تحياتي

هيثــم رمضـــان يقول...

همس الأرواح
بجد مش عارف أقولك إيه لكن أولاً بشكرك علي أول زيارة للمدونه وياريت تنوريني علي طول. وثانياً بشكرك جداً علي التعليق الجميل ومع إني عارف إن معظم التعليقات بيكون فيها شيء من المجامله لكن بجد بفرح لما حد يقول إن الاحساس عالي في الكلمات وده معناه إنها بتوصل للقاريء. أما ثالثاً فموضوع تتعلمي مني ده كتير عليا قوي, كلنا بنستفيد من بعض وبناخد رأي بعض فيما تكتبه أقلامنا.

تحياتي

هيثــم رمضـــان يقول...

حياة بلا عنوان
طولي برحتك البيت بيتك , وبعدين إيه التحليل الجميل ده للبوست طبعاً بشكرك جداً علي تعليقك الجميل واللي إتكلمتي فيه علي أهم النقط اللي كانت في البوست , فمن يعبر بقلمه عن نفسه أو عن أحداث في حياته ربما يعتقد الناس إنه يبالغ ولكنه يوضح لهم إن لا أحد يشعر بجرح إنسان مثل صاحب الجرح وفي النهايه يقرر الاستمرار في الكتابه حتي وإن كان هناك إنتفادات وإتهامات بالمبالغة.

تحياتي

هيثــم رمضـــان يقول...

الأستاذة الرائعه هيفاء

حاضر سأكتب حتي لا أعاني , وبشكرك جداً علي حضورك الرائع للمدونه وبشكرك ولو إنه متأخر قوي لانك اللي عرفتيني علي عالم التدوين وكنتي صاحبة فكرة المدونه بشكرك مره تانيه .

تحياتي

هيثــم رمضـــان يقول...

شيماء جمال

الحب الحقيقي شيء جميل والكتابه عنه مستمرة حتي تصف الاحاسيس والمشاعر المتدفقه من القلوب فلنكتب عن الحب الصحيح الطاهر الجميل وإن لم يكفي العمر سيأتي بعدنا ما يكمل الكتابه , بشكرك جداً علي تشريفك وعلي تعليقك الجميل.

تحياتي

هيثــم رمضـــان يقول...

طائر الليل الحزين

علي فكره دي تاني مره تحسي إني بتكلم عنك والمره الاولي كانت في قصيدة "مسافر إلي بلاد الله" ودي حاجه جميله جداً إني أحس إن كلماتي البسيطه بتعبر عن اللي بيقروها ويحسوا بيها , بجد بشكرك جداً جداً علي حضورك الجميل.

تحياتي

دموع القمر يقول...

سأظل أكتب.... ولا أبالي

اكتب ولا يهمك من حاجة

واحانا اكيد مستنيين

كلامك جميل والله يااستاذ هيثم

دمت مبدع

هيثــم رمضـــان يقول...

دموع القمر

الأجمل من الكلمات هي مشاركتك وحضورك الرائع وبشكرك جداً علي تعليقك ونورتيني وديماً تنوريني علي طول إن شاء الله

تحياتي

ماما يقول...

اخى هيثم
عجبنى كلامك عند الحلم الضائع
وواله فعلا لانستيع العيش الا بذكر الله والتمسك بديننا الحنيف
انه ملاذنا وامان حياتنا
بالنسبه للبوست
جميل ان نذكر الماضى وخصوصا ايام الحب اللى فيه
بس برضه ساعات بنتعب لما نفتكر اننا فقدنا الحب اللى كان

هيثــم رمضـــان يقول...

ماما
بشكرك جداً علي تشريفك للمدونه لأول مره وإن شاء الله تكون الزيارة متكرره وبشكرك علي رأيك في تعليقي عند الحلم الضائع وكمان علي رأيك في البوست وطبعاً أنا معاكي إن الانسان بيتعب لما بيفتكر أي ذكريات أليمه في حياته سواء كانت حب مفقود أو أي ذكري أليمه ولكن من فضل الله علي الانسان أنه أنعم عليه بنعمة النسيان ومع مرور الوقت يقل تأثير الحدث الأليم علي الانسان وبعد فترة يتحول إلي مجرد ذكري قد تخطر علي البال لبعض الوقت لكن دون التأثير علي مجري الحياة.

تقبلي تحياتي

سندريلا يقول...

السلام عليكم/ بجد كلمات رائعه ودافئه وذوقك حلو فى الكلمات بجد من تقدم لتقدم


تحباتى لك/سندريلا

TWEETY يقول...

ازيك ياعمو

يارب تكون بخير

هيثــم رمضـــان يقول...

سندريلا
وعليكم السلام ورحمة الله وبركاتة بشكرك جداً جداً علي وجودك وتعليقك الجميل وإن شاء الله تنوريني علي طول..

تحياتي

هيثــم رمضـــان يقول...

TWEETY
الله يسلمك والحمدالله أنا بخير.

تحياتي

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

:: Rose :: يقول...

أول زيارة لمدونتك..
تصفحت بعض ما بها..

وللحقيقة أذهلتنى رقة الأحرف المنسابة بين دفء الكلمات..
تقبل مرورى..

وأتشرف بزيارتك لمدونتى..

هيثــم رمضـــان يقول...

رابطة هويتي إسلامية
شكر خاص جداً لجميع أعضاء رابطة هويتي إسلامية علي الجهد المبذول في مدونتهم القيمة.

تحياتي

هيثــم رمضـــان يقول...

Rose
نورتيني في أول زيارة للمدونه ويارب تتكرر علي طول وبشكرك جداً علي رأيك في المدونه ولو إنه كتير عليها, ولو تسمحي أضيف لينك مدونتك هنا وسأخبرك برأي بالتعليق في مدونتك.

تحياتي

:: Rose :: يقول...

أكيد طبعا دا شئ يسعدنى ان لينك مدونتى يكون هنا..
وان شاء الله متابعة فى مدونتك وحطيت لينكها عندى بعد اذنك بردو

صدى الصمت - عاشقة الورد - يقول...

ماشاء الله
كلمات أكثر من رائعة
دمت متألق كعادتك

هيثــم رمضـــان يقول...

Rose
منوراني للمرة التانية وطبعاً يشرفني أنا كمان أن لينك مدونتي يكون عندك وأتمني لكي التوفيق.

تحياتي

هيثــم رمضـــان يقول...

صدي الصمت
ربنا يكرمك وبشكرك جداً علي رأيك في كلماتي المتواضعه.

تحياتي

om 3amr يقول...

أشعارك بجد حلوه قوى ماشاء الله
تسمحلى انقلها واحطها فى المنتدى بتاعى ولا فيه حذر نشر ؟

هيثــم رمضـــان يقول...

Om 3amr
أولاً: أشكرك علي أول زيارة للمدونه وبشكرك جداً علي رأيك في الأشعار.

ثانياً: يشرفني أن تُنشر أشعاري في المنتدي الخاص بكِ وأشكرك جداً علي طلبك هذا ولكن لي رجاء لو أمكن أن تنوهي في نهاية القصيدة إنها منقولة من مدونة همس القلوب او اسم الكاتب أو إنها منقوله فقط ولكِ خالص شكري وإمتناني وأتمني لكِ التوفيق بإذن الله.

ويشرفني زيارة المنتدي قريباً إن شاء الله

تحياتي