الأحد، 3 يناير، 2010

تقبلـــي أسفـــي يــا غـــزة



في ذكري الحرب علــي غـــزة

مع خالص أسفي يا غزة

.

ما أعجز قلمي عن الكلمه

.

من أين أأتي بكلمات

.

كي أنسج منها الابيات

.

تحكي عنكِ يا غزة

.

تُرثي زمن العزه

.

وتشكي زمن الذله

.

فما أبلغ صور الاخبار

.

شاهدت ألسنت النار



شاهدت حجم الدمار

.

شاهدت سيل الدماء

.

شاهدت الجثث والأشلاء

.

شاهدت الأطفال الأبرياء

.

تقتلهم نار الجبناء


وشاهدت رفاقهم ..

.

تسيل دموعهم

.

واجفة قلوبهم

.

وقد ملأ الخوف أعينهم

.

والحيرة تحتل ملامحهم

.

تخنقهم رائحة الموت

.

يفزعهم دوي الصوت

.

سمعت صراخ اليتامي

.

سمعت نواح الثكالي

.

شاهدت المظاهرات

.

سمعت الهتافات

.

شاهدت وسمعت

.

ولم أفعل شيء

.

مع خالص أسفي يا غزة

.

إختلفوا علي أرضك الاشقاء

.

فأحدثوا فيها الشقاق

.

هذه فتح وهذه حماس


فكانت فرصة الأنجاس





وأختلف العرب والمسلمين

.

فقاموا عليكِ الملاعين

.

فنصبوا المحرقه الجديدة

.

بعد صبرا وشتيلا

.

بعد دير ياسين

.

بعد قانا وجنين

.

والعالم صامت في منظر قبيح

.

ينصر الجاني ويلوم الذبيح

.

في ظلم فاق كل شيء

.

وأنا لم أفعل شيء

.

مع خالص أسفي يا غزة

.

وبرغم القتل والدمار

.

وبرغم الذل والحصار

.

وبرغم أنكِ تحت النار

.

وبرغم بشاعة الاخبار

.

أري مسلمين أحرار


أري نهاية الاشرار

.

أري في الافق إنتصار

.

أري نهاية الإنكسار

.

فبُشري لكِ يا غزة

.

سيأتي زمن العزه

.

وستشفي الأمة من العلل

.

وما الأيام إلا دول

.

أم نسينا الأنتصار

.

من بعد كل إنكسار

.

أليس الصبح بقريب

.

ألسنا أمة الحبيب

.

وحتي تعود لنا العزه

.

تقبلي أسفي يا غــزة



***********************************

ملحوظة: لم أقم بإضافة صور للضحايا لأنها مشاهد لا تُحتمل


كُتبت في يناير 2009









هناك 33 تعليقًا:

لولا وزهراء يقول...

هيثم
كلامك صعب بجد
لكنه الحقيقه بكل مافيها
احسن حاجه انك مش جبت الصور لانها بجد قاسيه
لكن رغم القساوه فهى تحمل الحقيقه مجرده من كل شئ
يارب عام 2010 يكون كله نصر وعزه لاهل غزه خاصة ولكل المسلمين عامة

خواطر شابة يقول...

صور تلك الحرب ودمارها لايمكن أن ينسى ابدا غطرسة اسرائيل لايمكن ان تنسى
يارب اصلح بين اخواننا ففرقتهم تعطي الفرصة للعدو لتحقيق مأربه
لا أجد ما اقوله الا أسفة ياغزة وحسبي الله ونعم الوكيل

wessam يقول...

بصراحه كلمات جميله لواقع مرير

ولازم كلنا نتأسف مش انت بس

تحياتى لقلمك
اختك

دى حاجه كتبتها لغزه اتمنى اعرف رايك فيها
http://wessa-mydreams.blogspot.com/2009/04/blog-post_02.html

حنين يقول...

تقبلى اسفى يا غزه
ليتها تتقبل اسفنا جميعا
كلمات جميله التعبير
تحياتى حنين

أم .. بوبه يقول...

كلمات ومعانى أكثر من رائعة

وبجد كلنا نتمنى إن غزة تتقبل أسفنا بس مش عارفين لو كنا مكانها كنا هنتقبل ولا لأ

حياه بلا عنوان يقول...

السلام عليكم ورحمه الله وبركاته
كلمات صعب قوى بجد بس الاصعب اللى بيكون عيشها حقيقى هو اكتر واحد يكون حاسس بيها يمكن احنا حسنها من قبل وحسنها فى الحال لكن الحمدلله على كل شىء
احسنت فى تعبيرك عن البوست بجد
تحياتى

زهور الامل يقول...

ازيك يا استاذ هيثم
اخبارك ايه
انا اسفة جدا على التاخير بس والله كان غصب عني

كل عام وانت بالف خير وهنا بمناسبة السنة الجديدة ويارب تكون سنة سعيدة عليك وعلينا وعلى الامة الاسلامية اجمع وعلى غزة الحبيبة وينصرها رب العالمين ويحررها من ايدي الملاعين
بجد القصيدة بتاعتك في منتهى الروعة ووجعتني كلماتها اوي واثرت فيا لابعد حد
ياااااارب يحميها ربنا وينصرها

تقبل اعجابي بجمال وروعة حروفك

تحياتي

هيثــم رمضـــان يقول...

لولا وزهراء

منورين المدونة وشكراً علي حرصكم علي زيارتها ,ويارب يصلح حال الأمة.

تحياتي

هيثــم رمضـــان يقول...

خواطر شابة
أشكرك علي تواجدك الجميل وأدعو معكي اللهم أجمع شمل المسلمين .

تحياتي

هيثــم رمضـــان يقول...

wessam
أشكرك وأرحب بكِ في المدونة في أول زيارة وبشكرك علي التعليق وأسعدني ما قرأته في مدونتك عن فلسطين الحبيبة.

تحياتي

هيثــم رمضـــان يقول...

حنين
ليتها تتقبل الأسف يا حنين وأن يغفر الله لنا تقصيرنا, أسعدني تواجدك

تحياتي

هيثــم رمضـــان يقول...

أم..بوبه

منوره يا أم بوبه وبشكرك علي التواجد الدائم ,ويارب يجعل دائرة السوء علي كل من أراد شر بالإسلام والمسلمين.

تحياتي

هيثــم رمضـــان يقول...

حياة بلا عنوان
أسعدني تواجدك المميز يا حياة وبشكرك علي التعليق , ويارب يصلح حال المسلمين.

تحياتي

هيثــم رمضـــان يقول...

زهور الأمل
حمد الله علي السلامه يا زهور بجد كنت مفتقدك والبوست اللي قبل ده (حلاوة اللقاء) إفتقد تعليقك اللي ديماً بيسعدني ويارب تكوني دلوقتي بخير , وبشكرك جداً علي تعليقك الجميل وعلي الدعاء لي وللمسلمين وربنا يستجيب لكِ بإذن الله .

تحياتي

هيفاء يقول...

تقبلي أسفي ياغزة ... عنوان مؤلم
قد يكون للقارئ كلمة عابرة .. ولكن المعني في الصميم

كلمات مؤلمة كثيرآ.. والصور مؤلمه آكثر

دام نبض قلمك اخي هيثم
ودمت بخير

هيثــم رمضـــان يقول...

هيفاء
نعم هيفاء إنه عنوان مؤلم لأنه يواجهنا بالحقيقة المؤسفه وهي تقصيرنا مع غزه وأهلها اللهم أكتب لها ولهم العزه والنصر ,والكلمات بالطبع مؤلمه لأني حاولت التعبير عن الواقع والواقع مؤلم ,أما الصور فعندما كنت أبحث عن الصور وجدت صور لم أحتمل مشاهدتها من فرط بشاعتها وتألمت كثيراً فأكتفيت بهذه الصور البسيطة وأكتفيت بألم الكلمات للقاريء وأشفقت عليه من ألم الصور.

هيفاء..أشكر لكِ حضورك المميز الذي يسعدني كثيراً.

ملحوظه إنتي فاكره قصيدة "ليتني أعود طفلاً رضيع" لقيتها النهاره مسروقه علي أحد المنتديات واللي سرقتها خدتها في نفس يوم نشرها علي موقع هويتي ولما أنا عملت عليها تعديل وأضفت صورة أتسجل تاريخ التعديل علي القصيده وأتمسح التاريخ الأصلي لكن الحمد الله التاريخ الأصلي موجود علي التعليق بتاعك وعلي باقي التعليقات وهو نفس التاريخ اللي هي نشرتها فيه بس بصراحة أول مره أكتشف حاجه زي دي وبجد أضيقت جداً وخصوصاً إني بتسرق ومش عارف أعمل حاجه.

تحياتي وتقديري

هيفاء يقول...

هذا هو حال الانترنت اخي هيثم ...
هناك ناس لا يهمها شيء .. ولا تخاف من رقيب ولا حسيب
حسبي الله ونعم الوكيل
انا سرقت مني عشرات الخواطر ههههه
يلا الله يكون في العون

كن بخير

صدى الصمت - عاشقة الورد - يقول...

حقيقى فكرتنا بآلام وأحزان مضى عليها سنة كاملة
ربنا يرحم الشهداء جميعاً

هيثــم رمضـــان يقول...

هيفاء
أنا عارف إنك إتهريتي سرقه والله يكون في عونك بس يمكن علشان أنا أول مره أكتشفها وكمان بقلها سنه فكنت مضايق شويه لكن خلاص ما باليد حيله.

تحياتي

هيثــم رمضـــان يقول...

صدي الصمت
أهلاً بيكي ,منوره المدونه, وطبعاً إحنا لازم نفضل فاكرين غزة واللي حصل فيها وف غيرها ونعرفه لولادنا علشان ما ننساش حقنا الضحايا الذين نحسبهم شهداء عند الله بإذن الله.


تحياتي

فراشة يقول...

اعلق اقول ايه يا هيثم
قلمك روعة
الغريبة انك قلت انك كتبتها فى يناير 2009
وهى الآن ورغم مرور عام كامل لكنها تتلائم وتتناسب مع يناير 2010

لكن كلماتك رائعة

(مع خالص أسفي يا غزة.ما أعجز قلمي عن الكلمه.من أين أأتي بكلمات.كي أنسج منها الابيات.تحكي عنكِ يا غزة.تُرثي زمن العزه.وتشكي زمن الذله)

العبارة دى اكتر من روعه

وانت بتتأسف بكل حسرة والم وعجز عن تقديم اى شى او اى يد للعون
حتى القلم فى وجه نظرك عاجز عن اعطائها حقها
وتشبيهك لزمن العزة بأنه مات ودى انا حسيتها قوى قوى
ومابقلناش غير زمن الذله

هيثم ماشاء الله عليك
انا يمكن علقت على جزئية بسيطة جدا من كلامك لكن البوست كله تحفه ورائع

دائما قلمك يبهرنى
تحياتى لك

هيثــم رمضـــان يقول...

فراشة
متشكر جداً يا فراشة بس الكلام ده كتير عليا قوي , دايماً أرائك مشجعه ليا وبتحمسني إن اللي جاي يكون أحسن من اللي فات ويارب كلماتي البسيطة تعجب كل زوار المدونه, وطبعاً هي مكتوبة 2009 لكن الوضع مازال سيء وأي كلمات تعجز عن التعبير عن هذة المأساه.
فراشة أشكرك جداً لوجودك المميز وعلي تعليقاتك التي تسعدني دائماً.

تحياتي

همسات ساكنه يقول...

تخيلت منظر الشهداء حتى من دون الصور
إبداع في الكلمات يجعل أي قارئ يتخيل المشهد بأكمله
عجبني التفاؤل في الآخر لأن فعلا لكل ظالم نهاية واكيد حيجي اليوم اللي حيعم فيه الخير
و إن شاء الله ترجع غزة قريبا

هيثــم رمضـــان يقول...

همسات ساكنه
أهلاً بيكي في أول زيارة للمدونه وبشكرك جداً علي التعليق وعلي رأيك في الكلمات ,وطبعاً لازم النهاية يكون فيها تفأل وألم لأن الله سبحانه وتعالي وعد المؤمنين بالنصر فهو آتي بإذن الله لأن هذة سُنة الله في أرضه فاليسر بعد العسر والفرج بعد الضيق والأنتصار بعد الأنكسار والتاريخ الأنساني كله لم يشهد بقاء إمبراطورية أو قوة عسكرية إلي الأبد فالأحوال تتبدل وتتغير مع مر الزمن وكذلك كل ما قام علي باطل لأبد أن يهدم في يوم من الأيام (ويمكرون ويمكر الله والله خير الماكرين) صدق الله العظيم


تحياتي

مجهوله يقول...

كلامك صعب اوى
لا لا يسعنى فعل شئ غير قول
حسبنا الله ونعم الوكيل

هيثــم رمضـــان يقول...

مجهولة
أهلاً بيكي في أول زيارة وأشكرك علي التعليق وندعوا الله عز وجل أن يزيل الغمه وأن ينصر الأمه

تحياتي

انا مش معاهم يقول...

اللهم نصرك الذي وحدت

فراشة يقول...

ازيك يا هيثم فينك غايب ليه
وفين كل جميل عندك
مستنيه موضوعك الجديد
اللى اكيد ان شاء الله رائع
تحياتى

هيثــم رمضـــان يقول...

فراشة
الله يسلمك يا فراشة وبشكرك جداً جداً علي سؤالك ومتابعتك للمدونه مع إن مافيش جديد ودي حاجه أسعدتني بشكرك عليها, وسبب عدم النشر إني للأسف إكتشفت بالصدفة سرقة قصيدة ليتني أعود طفلاً رضيع ونشرها علي أحد المواقع وللأسف إتسرقت قبل إنشاء مدونتي لأني كنت منزلها علي موقع أخر ,وأنا موضح التفاصيل في ردي علي هيفاء لأنها كانت عضوه في نفس الموقع , المهم ده خلاني متردد شوية في نشر حاجه جديدة لكن إن شاء الله قريب هنشر حاجه علي الأقل من الحاجات اللي نشرتها قبل كده في مواقع تانية وهأجل الحاجات الجديدة شوية والله الموفق.

مره تانية بشكرك جداً يا فراشة

تحياتي

هيثــم رمضـــان يقول...

أنا مش معاهم

أمين يا رب العالمين اللهم أنصر المسلمين وأعز الأسلام وأصلح حال أمة الأسلام .

تحياتي

حياه بلا عنوان يقول...

السلام عليكم ورحمه الله وبركاته
انا طبعا مش هسئل حضرتك متغيب ليه لان قريت التعليق على تعليق فراشه
بس عوزه اقول لحضرتك ان ممكن يكون من كتر اعجبهم بالكلمات ادو لنفسهم حق النشر فى مكان تانى فبالتالى حضرتك تكون فخور لانك هتكون الاصل والاول
ومنتظرين منك الموضوع الجاى فى اسرع وقت طبعا عوزين نشوف المدونه بموضوع جديد مش عوزين غياب كتير كده
تحياتى

هيثــم رمضـــان يقول...

بشكرك جداً يا حياة علي السؤال والمتابعة , أنا مش بضايق من إن حد يعيد نشر الحاجه بتاعتي أنا بضايق لأنه بينسبها لنفسه فلو نقلها وكتب "منقول" حتي من غير ما يذكر إسمي مافيش مشكلة, المهم إن شاء الله هنزل بوست قريب أنا بس كنت مشغول شوية بس هحاول أختار حاجه من الحاجات اللي عندي علشان أنزلها إن شاء الله .

تحياتي

لولا وزهراء يقول...

هيثــم رمضـــان يقول...
لولا وزهراء

منورين المدونة

" لا وكمان اول تعليق d:"

وشكراً علي حرصكم علي زيارتها ,ويارب يصلح حال الأمة.

تحياتي

" احنا اللي بنشكرك ربنا يسعدك بكل خير "