الاثنين، 1 فبراير، 2010

لا تلومنــــــــــــى

لا تلومني علي حبي

.

لا تلومني علي ضعفي

.

لا تلومني علي صدقي

.

كفاني قسوة علي نفسي

.

لا تلومني علي رفضي

.

أن أُخرج حبك من قلبي

.

فأنت بذلك تقتلني

.

تريد أن تُخلصُني

.

من جرحاً عاد يؤلمني

.

من حزناً يسكن في قلبي

.

فات الوقت لتنقذني

.

أعلنت الحرب علي نفسي

.

أشعلت النار في جوفي

.

يوم ظلمت فيه قلبي

.

لا تطلب مني النسيان

.

لا تطلب أن أمحو الأحزان

.

لا تقل كلمة كان

.

فأنا أحب حتي الآن

.

نعم بعد السنين

.

بعد آهات وأنيين

.

أزداد شوقاً وحنين

.

أنا وقلبي الحزين

.

فلا تلومني إني مازلت أحبك

.

فأنا لا أقوي علي بعدك

.

ربما ترميني بالجنون

.

أو تنتقد قلبي الحنون

.

أو تأخذك بي الظنون

.

وربما عليك لا أهون

.

فلا تلومني وأعذرني

.

فأنت بقلبي لا تدري

.

أحساسي أكبر من شعري

.

فلا كلمات تسعفني

.

فلا تلومني وأتركني

.

أعيش وحدي مع حبي

.

فهو كالطوق علي قلبي

.

----------------------------------------- كُتبت في 2008


هناك 44 تعليقًا:

لولا وزهراء يقول...

تسلم الانامل
بجد كلام تحفه ومشاعر جميله ورقيقه جدا جدا
الصوره اكتر من رائعه
ما شاء الله على اختيارك لها
العنوان لا تلومنى وكانك تخشين من لومة لائم او لومة حبيب
فى انتظار كل ما هو جميل منكى
تقبلى ارق الامنيات بالسعاده على الدوووووووووام

أحمد الصعيدي يقول...

أري الخريف يجتاح أشجارك فحنانيك ليس كل العشق مكروه


احساس رائع

زيارتي الاولي واظن لن تكون الاخيرة

السلام عليكم ورحمة الله

همسات ساكنه يقول...

اللي بيحب اوي صعب يكره
وصعب اكتر انه ينسى
مهما اتعرض لجرح او اذى او حزن والم

يمكن الواحد يبدأ ينسى لما بيقابل حد تاني في حياته يقدر ينسيه الاولاني

هيثــم رمضـــان يقول...

لولا وزهراء
في الأول بشكركم جداً علي التواجد وكمان علي أول تعليق وعلي رأيكم في الكلمات.
ثانياً هو أنا يعني علشان كتبت خاطرة بصيغة المؤنث ترودوا عليه بصيغة المؤنث هههههههههه ركزوا معايا شوية أنا إسمي هيثم وحبيت أجرب أكتب بصيغة المؤنث ودي كانت أول محاوله وفي بعدها حوالي 3 خواطر وبعدين معظم شعرائنا الكبار عملوا كده وماحدش وجه لهم الكلام بصيغة التأنيث هههههههههه

تحياتي

هيثــم رمضـــان يقول...

أحمد الصعيدي

منور في زيارتك الأولي وإن شاء الله مش هتكون الأخيرة وبشكرك جداً علي تعليقك الجميل , بس يا خوفي يا بدران أصل مش عارف ليه يا أبو حميد حاسس إن الأمر متداخل عليك زي لولا وزهراء لأن تعليقك يمشي كده وكده يعني للمذكر والمؤنث ,بس أنا همشيه للمذكر وبشكرك جداً لتواجدك الجميل.

تحياتي

هيثــم رمضـــان يقول...

همسات ساكنه
منوره المدونه في أول زيارة وإن شاء الله تتكرر علي طول , نرجع تاني للمود أصل ردي علي لولا وزهراء وأحمد قلبوا البوست كوميدي.
أنا متفق معاكي إن الحب الصادق لا يمكن أن يتبدل بأي شيء أخر ومن الصعب جداً أن يُنسي فإذا كان هناك حب حقيقي وأكرر حقيقي سيظل هذا الحب مع صاحبة ولو لمجرد ذكري تراوده من وقت لأخر , وأما عن حب ثاني يُنسي به الحب الأول فهذة مسألة نسبية تختلف من شخص لأخر وتتوقف علي الشخصية والظروف المحيطة بهذا الشخص وعلي درجة عمق وصدق الحب الأول ومنزلته في القلب .

تحياتي

حياه بلا عنوان يقول...

السلام عليكم ورحمه الله وبركاته
طبعا حضرتك غبت شويا عن المدونه بس بجد راجع بكلمات جميله قوى ماشاء الله
العنوان جميل قوى لا تلومنى الانسان اللى بيحب بجد لازم يعاتب علشان يكون صادق بينه وبين نفسه وبين لانه لو مكنش صادق يبقا مش هيلوم ولا هيفكر انه يعاتب الحب لازم يوجد فيه لوم وعتاب علشان يفضل حب دائم وحب بجد كلمات جميله قوى ماشاءالله
تحياتى

7annen يقول...

تسلم ايدك
حلوة اوووووى

وفى انتظار الجديد

كتاباتك معبره ومليانه احساس

ومبروووووووووك لمصر

هيفاء يقول...

)ربما ترميني بالجنون.أو تنتقد قلبي الحنون.أو تأخذك بي الظنون.وربما عليك لا أهون (

تناقض في الاحاسيس نتيجة رقة المشاعر ، وهذا يدل على قدرتك في تقمص احساس الانثى باحساس اللوم

رائع يا هيثم ..كلمات جميلة
واحساس ...
مؤلم
غريب
حزين

ترابطت فيها الاحاسيس بتنوعها اعطت جملة من المشاعر الجياشة ..لنستمتع نحن بها

دمت متألق

هيثــم رمضـــان يقول...

حياة بلا عنوان
إزيك يا حياة بشكرك جداً علي التواجد وعلي السؤال خلال فترة الغياب , ورأيك عن العتاب في محله لأن من الوارد إقدام طرف من الطرفين علي تصرف غير مقبول فيعاتبة الطرف الأخر ليوضح له فيما أخطأ فيكون العتاب بمثابة تصفية لأي شوائب في القلوب , لكن العتاب واللوم في الخاطرة كان شيء أخر فهو يلومها إنها مازالت تحب رغم الفراق بينهم ومرور السنين علي هذا الحب ويطلب منها أن تنسي هذا الحب بنية أن يخلصها من عذابها فهو يشفق عليها وهي تدرك نيته الحسنه لكنها تطلب منه الا يلومها بسبب هذا الحب فهو شيء خارج عن إرادتها وأخيراً تطلب منه أن يتركها وحدها تعيش ذكري هذا الحب .

تحياتي

هيثــم رمضـــان يقول...

7annen
ربنا يخليكي يا حنين وبشكرك جداً علي رأيك في الكلمات وديماً منوراني, ومبروك علينا كلنا الكأس السابعه والتالته علي التوالي.

تحياتي

هيثــم رمضـــان يقول...

هيفاء
ما شاء الله تعليق في منتهي الوعي وطبعاً ده مش غريب علي الأستاذة صاحبة التحليل الرائع والتعليقات المميزة دائماً .
هيفاء بشكرك جداً علي حضورك المميز اللي بيسعدني جداً .


تحياتي

لاسع افندى يقول...

ن أُخرج حبك من قلبي.فأنت بذلك تقتلني

كلمات جميله ورومانسيه

تحياتى

شيماء جمال(شيمو القمر) يقول...

واااااااااااااااااااو
كلمات جميلة بها مشاعر جميلة
احييك عليها

تحياتى لك
شيمو القمر

هيثــم رمضـــان يقول...

لاسع أفندي

منورني يا لاسع في أول زيارة ليك في المدونه وإن شاء الله تتوالي الزيارات وبشكرك علي التواجد والتعليق.

تحياتي

هيثــم رمضـــان يقول...

شيمو القمر

ربنا يخليكي يا شيمو أسعدني وجودك جداً وبشكرك علي رأيك في الكلمات البسيطه دي.

تحياتي

لولا وزهراء يقول...

هيثم
-*-*-
بجد انا اسفه جدا جدا بص انا سرحت مع الكلمات ونسيت خالص انى باكتب كومنت عند هيثم
بجد سورى والله مش اقصد كده
بس اقول لك على سر ماحدش يعرفه خالص مالص
انا اللغه العربيه عندى جميله جدا جدا
اسفه والله يا هيثم بس بجد احسنت انك قدرت تتكلم بلسان الانثى
ربنا يحفظك وفى انتظار الجديد منك
بجد مش عارفه اعتذر لك ازاى بس خلاص بقى المفروض انك عرفت ان اللغه العربيه لو تمام التمام يبقى الامضاء
زهراااااء

هيثــم رمضـــان يقول...

لولا وزهراء
إيه ده إيه كمية الأسف اللي في التعليق دي علشان إيه كل الأسف ده طبعاً أنا مش زعلان ولا حاجه أنت بس ضحكتيني علشان فكرتيني بالعساكر الاتراك اللي كانو بيكلموا محمد سعد في فيلم عوكل ويقلولوا "إنتي ..خُشي .." هههههههه, لكن عموماً بشكرك علي التعليقين الاول والتاني وعرفت خلاااص إن اللغه العربيه عندك تمام التمام.

تحياتي

أم .. بوبه يقول...

عودا حميدااا

حلوة بجد مش مجاملة وعجبتنى أوى

أعلنت الحرب على نفسى

أشعلت النار فى جوفى

يوم ظلمت فيه قلبى

لا تطلب منى النسيان

لا تطلب أن امحو الأحزان

لا تقل كلمة كان

فأنا أحب حتى الآن


رائعة

هيثــم رمضـــان يقول...

أم ..بوبه

يا فندم من بعض ما عندكم وبشكرك جداً علي الحضور الجميل وعلي التعليق والحمد الله إن الكلمات البسيطه دي بتعجب أصدقائي المدونيين.

تحياتي

صدى الصمت - عاشقة الورد - يقول...

دائما كتاباتك مختلفة ولها مذاق خاص متجدد ورائع
تحياتى

Pink Dreams يقول...

أشعلت النار في جوفي


يوم ظلمت فيه قلبي


لا تطلب مني النسيان

لا تطلب أن أمحو الأحزان


جميل قوى الجزء دا

والبوست كله احساسه حلو قوى

تسلم ايدك

أم عرو يقول...

بجد رائعه جدا جدا ماشاء الله عليك

عجبتنى قوى بارك الله فيك

حنين يقول...

السلام عليكم
كلماتك جميله بجد
كلها حلوه دمت
مبدعا

هيثــم رمضـــان يقول...

صدي الصمت-عاشقة الورد

نورتيني وبشكرك علي تواجدك العطر وتعليقك الجميل ويارب المذاق الخاص المتجدد اللي قولتي عليه يدوم علي طول.

تحياتي

هيثــم رمضـــان يقول...
أزال المؤلف هذا التعليق.
هيثــم رمضـــان يقول...

Pink Drams
حمدالله علي السلامه نورتي المدونه, بشكرك علي الحضور وعلي التعليق الجميل.

تحياتي

هيثــم رمضـــان يقول...

أم عمرو
نورتيني والحمد الله إن الكلمات عجبه حضرتك .

تحياتي

هيثــم رمضـــان يقول...

حنين

أهلاً بيكي يا حنين نورتيني وبشكرك علي تعليقك وعلي رأيك في الكلمات.

تحياتي

Hager Za3bal يقول...

حلوه اوي اوي بجد :)

هيثــم رمضـــان يقول...

Hager Za3bal
شرفتيني بأول زيارة وإن شاء الله تتكرر ,بشكرك جداً علي رأيك وحضورك الجميل.

تحياتي

فراشة يقول...

كاتب الكلمات الجميلة دى فى 2008 ومخبيها عننا

ازيك يا هيثم ايه الروعه دى
حب رائع بكل المقايسس مشاعر صادقة واحاسيس نابعة من احساس يفوق الوصف
استخدامك لكلمة لا تلومنى مبدع جدا
لانه دائما ما يصاحب الحب باللوم
حتى وان لم يتواجد لوم بين الاحبه لكن يتواجد اللوم بين الحبيب وقلبه واحيانا عقله ونفسه
وانا شعرت هنا انه يحدث نفسه ويطلب منها الا تلومه على حبه وصدقه

اما جملة كفانى قسوة على نفسى فبجد مش عارفه اقول عجبتنى قد ايه
لأن بالطبع النفس اللى بتلوم صحبها كتير بتبقى قاسيه قوى عليه

طبعا كل البوست رائع مش عارفه اقول فيه ايه

تحياتى لكل كلمة كتبتها واعتذر عن التأخير

هيثــم رمضـــان يقول...

فراشة
أهلاً أهلاً فراشة ..إيه التعليق الجامد ده ولا أقولك بلاش جامد لأنها من "الجمود" خليها الجميل ,بجد أسعدني وفرحت جداً بتحليلك للخاطرة, تعرفي إنك قولتي حاجه صح جداً كانت غايبه عني وهي إرتباط الحب باللوم وليس بالضرورة اللوم والعتاب علي الحبيب فتاره يلوم الحبيب قلبه علي فرط الحب وأنه سبب عذابه وتاره يلوم نفسه علي تقصيرة في حق حبيبه وأخري يلومها علي عدم البوح بحبه وربما يلومها علي عدم نسيان الحب الذي كان ...وهكذا . أما في الخاطرة فكنت أقصد أن الحبيب يلوم حبيبه إنه مازال يعذب نفسه كل هذا العذاب رغم فراقهم ويطلب منه أن ينسي وأن يمحو الأحزان ولكن حبيبه يجيب عليه ويطلب منه ألا يلومه فمن المستحيل أن يتخلي وأن يتخلص من حبه حتي ولو كان هناك فراق وكفاه قسوة علي نفسه من كثرة لومها علي ضياع هذا الحب.

فراشه نورتيني بحضورك الجميل وتعليقك الرائع

تحياتي

وحبي لك لن يموت يقول...

كع ـآتك
تنقش الحروف
بسحر فريد (:
مبدع أنت وسح ـرك
دمت بخ ـير (:

mira يقول...

اولا الحب ضعف وصدق وقسوة على نفسك طبعا مش عليها ورفض لفكرة الابتعاد عنك 000هوه دة الحب الحقيقى اللى انت تناولت وصفه فى قلبك وباحاسيسك واتمنى انها تسمعك جيدا ولا تلومك على كل هذا الحب الجميل الصادق
دمت بكل خير

هيثــم رمضـــان يقول...

وحبي لك لن يموت

أشكرك علي تعليقك المميز وكلماتك الرقيقة , أسعدني حضورك الجميل

تحياتي

هيثــم رمضـــان يقول...

mira
نورتيني بحضورك وأسعدتني مشاركتك , وأعتقد أن لو الحب الصادق متبادل بين الطرفين لن يكون الحب ضعف في هذة الحالة لكنه يصبح قوه يستمدها كل طرف من الطرف الأخر لثقته فيه وفي حبه له, والمقصود بالضعف في الخاطرة هو ليس ضعف بسبب الحب ولكنه بسبب الفراق وما ترتب عليه من عذاب وبالتالي ضعف في مواجهة هذا العذاب أو ضعف لصعوبة النسيان والعيش بشكل طبيعي بدون هذا الحبيب.

تحياتي

قيس بن الملووووح يقول...

المشكلة المعروضه علي مدونتي قد تستفيد منها للمستقبل
زورنا شاركنا الراي الذي قد يفيدنا جمعا

Hossam يقول...

بجد كلام خفيف ورقيق جدا
حبيت المدونة اوى
تحياتى

هيثــم رمضـــان يقول...

قيس بن الملوح

شرفتني بزيارتك ويشرفني زيارة مدونتك.
تحياتي

هيثــم رمضـــان يقول...

Hossam
أهلاً بيك يا حسام والمدونه نورت بوجودك وبشكرك علي تعليقك الجميل.

تحياتي

yara يقول...

حبك لي فرضاً يفرضني ،، فأنا لا أطلب إحسانك ،، تنساني ،، تنسى أيامي ،، آهٍ ما أحش نسيانك ،، إن كنت أسئت بمكروه ،، أولا تريني برهانك ،، إنسانٍ لم تبق إنساناً أو دفنت بقلبك إنسانك ،، وكذا ترميني تقبرني بهيكل حزني تحنانك

اسجل اعجابي بمدونتك

مع تحيات يارا دوت كوم

هيثــم رمضـــان يقول...

yara
نورتيني في أول زيارة لكي هنا وأتمني تكرارها بإذن الله وأشكرك علي تسجيل إعجابك بالمدونه وأسمحي لي أن أسجل أنا أيضاً إعجابي بتعليقك المميز جداً وبكلماتك الجميلة وبشكرك علي حضورك الجميل وأنتظر رأيك في الموضوعات القادمة بإذن الله.

تحياتي

ساسو يقول...

صباح الخير
بجد كلماتك جميله جدا
ومدونتك كلها فن وابداع
بجد انت شاعر جميل
بالتوفيق