الاثنين، 1 مارس 2010

لا تحــــــــــــــــزني

سألت ربي أن أُشفي منكي

.

حُبك كالعِلة في قلبي

.

فملأه الضعف والوهنِ

.

أفكاري تتصارع في عقلي

.

كالموج المتلاطم في اليمِ

.

يدفعني إلي الأعماق ليغرقني

.

فأطفو كي أنجو بنفسي

.

فيا من أنتي مُلهمتي

.

تكادي تكوني مُهلكتي

.

حبك يتمكن مني

.

كيف أنزعه من قلبي

.

كيف أُطفيء نار غضبي

.

من نفسي ومن عجزي

.

كلما أغدو وأمضي

.

حتي أتحرر من أسري

.

سُرعان ما أعود لسجني

.

كالعصفور الأعمي الغضبان

.

أترنح بين الجدران

.

تتخبط رأسي بالقضبان

.

لا أعرف لنفسي كيان

.

أتضرع لله الرحمن

.

بأن يُلهمني النسيان

.

حيناً أنفجر كالبركان

.

وحيناً يأخذني الكتمان

.

مغلول الأيدي مُكبل اللِّسان

.

فما كان في الحسبان

.

كل هذا من الزمان

.

حبيبتي ..

.

أري الحزن في عينيكِ

.

فلا تحزني علىّ .. وهوِّني عليكِ

.

أنا لا أحتمل الدموع علي وجنتيكِ

.

فأنتي قدري ..وأنتي حبي

.

حتي لو كان يعذبني

.

وبدونك لن يُشفي قلبي

.

فلو تخلي الحب عني

.

توقف عن النبض قلبي

.

من قبل أن تصعدُ روحي

------------------------------

كُتبت في فبراير 2008


هناك 60 تعليقًا:

لــــ زهــــــراء ــــولا يقول...

هيثم

السلام عليكم ورحمة الله وبركاته
تحفه بجد
شعر مالهوش حل



يا من كنتى ملهتمى
الان اصبحتى مهلكتى

هذا اجمل ما لمس قلبى معناه عميق جدا جدا
ربنا يسعد قلبك بكل خير
دمت مبدع

لـــــــــــــولا

هيثــم رمضـــان يقول...

لولا
وعليكم السلام ورحمة الله وبركاته

أول تعليق بالتخصص, بجد شكراً جداً علي التعليق -الأول كالعاده- وعلي رأيك في الخاطره , كلامك مشجع جداً بشكرك عليه,
بس في حاجه صغنونه البيتين اللي عجبوكي هما " يامن أنتي ملهمتي.. تكادي تكوني مهلكتي" يعني هيه لسه ملهمته ومش مهلكته علشان قال "تكادي" , لكن إنتي كتبتي " يامن كنتي ملهمتي.. الان أصبحتي مهلكتي" فالمعني إتغير بإستخدام كنتي ، أصبحتي فهي مازالت ملهمته ولم تعد بعد مهلكته .. أنا عارف إني خناقتك بالتدقيق ده لكن معلش حبيت بس أوضح المعني المقصود بالظبط.

تحياتي وتقديري العميق

غير معرف يقول...

حلووووووووووووة موووووووت جميله اوى اوى

تسلم ايدك

ЯậŇ MỗŘỹ يقول...

سلام اله عليكم و رحمته و بركاته
\\
أتضرع لله الرحمن
بأن يلهمنى النسيان
\\
جميله قوى الحتة دى
لأن فعلا محدش هيساعدك انك تنسى غير ربنا
شفانا الله من أمراض الهوى

Haytham Alsayes يقول...

والله جميلة جدا رائعة
استاذ هيثم انت مبدع انا اول مرة ادخل مدونتك وان شاء الله مش اخر مرة
تقبل مرورى ونورني في مدونتي المتواضعة

حياه بلا عنوان يقول...

السلام عليكم ورحمه الله وبركاته
ماشاء الله كل فتره بتنزلنا موضوع اجمد من التانى وده طبعا احنا وخدين عليه من حضرتك ديما بتحط الموضيع الجميله
جميل قوى قوى الشعر بجد فعلا الانسان مهما بيحزن مبيلقيش حد يقف معاه غير ربنا سبحانه وتعالى علشان كده عجبتنى جدا ولفتت انتبهى فى الموضوع الكلمين دول أتضرع لله الرحمن
بأن يلهمنى النسيان
لان دى حقيقه مهما كونا فى حزن ومهما حصلنا بنقول يارب هو القادر على كل شىء هو اللى بيخرجنا من كل حاجه
بجد الموضوع جميل جدا
تحياتى

غير معرف يقول...

جميلة اووى

heba يقول...

السلام عليكم ورحمة اله وبركاتة

ازيك عامل ايه ياهيثم معلش انا بقالى فترة مابدخلش ارد عندك ولا بدخل المدونة يارب تكون بخير وكلماتك جميله كالعادة ومتعودة منك على كدة طبعا سلمت يداك

تحياتى ليك

heba

هيثــم رمضـــان يقول...

7annen
شكراً يا حنين ربنا يخليكي وديماً منوراني

تحياتي

هيثــم رمضـــان يقول...

روح بلا فرح

وعليكم السلام ورحمة الله وبركاته

بشكرك يا روح علي تشريفك المدونه وطبعاً ربنا سبحانه وتعالي هو المعين علي كل شيء في حياتنا واحنا بنستعين به ونتوكل عليه في كل شيء. بس كنت عايز أوضح حاجه إن ليس كل ما أكتب له صله بحياتي الشخصيه بدليل إني البوست اللي فات كان بلسان المؤنث فهي مجرد خواطر أحياناً واقعيه سواء شخصيه أو تأثر بالغير وربما تكون من وحي الخيال عن طريق تخيل موقف معين والكتابه عنه.

تحياتي وتقديري

هيثــم رمضـــان يقول...

Haytham AlSayes
منورني يا أستاذ هيثم في أول زياره ليك علي المدونه وبشكرك جداً علي رأيك وتعليقك , وطبعا أنا زورت مدونتك القيمة وسعدت بها جداً.

تحياتي

هيثــم رمضـــان يقول...

حياة بلا عنوان
إزيك يا حياة بشكرك جداً علي رأيك وعلي تعليق الجميل وكمان بشكرك علي حضورك المميز وديماً تنوريني بإذن الله , وطبعاً يا حياة وزي ما إني قولتي ربنا سبحان وتعالي أرحم بالعبد أكثر من رحمت الأم بوليدها وإليه نلجأ فهو خير معين . بشكرك مره تانيه علي تواجدك الجميل

تحياتي

هيثــم رمضـــان يقول...

star in the sky
الأجمل هي مشاركتك الأولي للمدونه وفي إنتظار تكرارها بإستمرار بإذن الله.

تحياتي

هيثــم رمضـــان يقول...

heba
وعليكم السلام ورحمة الله وبركاته

إزيك يا هبه أنا الحمد لله بخير وإن شاء الله تكوني بخير إنتي كمان ,بشكرك جداً علي تواجدك الجميل ورأيك في الخاطره وديماً تنوريني علي طوووول.

تحياتي

top-fn يقول...

جميلة تبدو الكلمات حين

تنبع من منبع الصدق والوفاء

فتكون أكثر تعبيراً وشفافيه

هو القلب حين يزينه طهر المشاعر

يفوح بعبق ورود المحبة والوداد

وتنبض برقة وجمال أحاسيسه

أهنئك أخي الفاضل على ماحملته روحك من

معاني رقيقه وعبارات رائعــه

خالص تحياتي ,,

حنين يقول...

السلام عليكم
ازيك يا هيثم
كلمات حلوة بجد
تسلم ايدك

هيفاء عبده يقول...

دائما تجيد استخدام تناقضات المشاعر وتضاربها وتتقن نثرها بإحساس
فموج واعماق ، وملهمتي ومهلكتي ، وبركان وكتمان ،
كلها احاسيس حيرة حبيب انهكته دوامة الحب ..

رائع هيثم ،،،
نص رائع وكلمات متناسقة تطرب لها المشاعر والاذان

دمت هكذا متألقاً واكثر

هيثــم رمضـــان يقول...

حنين
وعليكم السلام ورحمة الله وبركاته
الحمد الله أنا بخير وبشكرك جداً علي تشريفك وتعليقك ..نورتيني.

تحياتي

هيثــم رمضـــان يقول...

هيفاء
تعليق رائع وتحليل أروع ومش غريب علي الأستاذة..أحياناً وعندما تغمر مشاعر الحب قلب الإنسان قد يواجه صعاب وربما عذاب بسبب هذا الحب فيسمع بداخله صوت يقول له أن الحب هو السبب ويجب التخلص منه ونسيانه ويشعر بالتناقض لوجود مشاعر الحب مع هذا الصوت الرافض ولكن إذا كان هذا الحب حب حقيقي وصافي يقاوم هذا الصوت حتي ينتصر عليه ويخرسه.

هيفاء يسعدني دائماً حضورك المميز وتعليقاتك الرائعة

تحياتي

هيثــم رمضـــان يقول...

عمرو
أشكرك أخي الفاضل علي زيارتك الأولي وعلي هذا التعليق المميز الذي أري إنه يعطيني أكثر مما أستحق بكثير , وأتمني تكرار الزيارة بإذن الله.

تحياتي

غير معرف يقول...

أخي هيثم

ما شاء الله عليك .. أسلوبك أكثر من رائع .. و احساسك عالي

و كما يقال .. و من الحب ما قتل ..

غالبا ما يصحب الحب بقليل من العذاب .. لكنه في أغلب الأحيان يكون عذاب لذيذ لا يمكن الاستغناء عنه

أما إذا تحول للنوع الآخر من العذاب .. فإنه كما قولت .. يكون مهلكا لصاحبه

بالتوفيق يا جميل و اسمحلي اتصفح مدونتك كلها :)

و يا ريت تبقا تنورني و تزورني هنا

http://ahmedabdulmohsin.blogspot.com/2010/01/blog-post_25.html

مستنيك ياهيثم .. اوعى متجيش

همسات ساكنه يقول...

الحب دايما بيكون مصاحب للعذاب
ربما نادرا لو انتهى نهايات سعيده ولكنه دائما بينتهي أيضا بعذاب
كلماتك جميله معبرة
دام قلمك دائما

لــــ زهــــــراء ــــولا يقول...

هيثــم رمضـــان يقول...
لولا
وعليكم السلام ورحمة الله وبركاته

أول تعليق بالتخصص, بجد شكراً جداً علي التعليق -الأول كالعاده- وعلي رأيك في الخاطره , كلامك مشجع جداً بشكرك عليه,
بس في حاجه صغنونه البيتين اللي عجبوكي هما " يامن أنتي ملهمتي.. تكادي تكوني مهلكتي" يعني هيه لسه ملهمته ومش مهلكته علشان قال "تكادي" , لكن إنتي كتبتي " يامن كنتي ملهمتي.. الان أصبحتي مهلكتي" فالمعني إتغير بإستخدام كنتي ، أصبحتي فهي مازالت ملهمته ولم تعد بعد مهلكته .. أنا عارف إني خناقتك بالتدقيق ده

" اطلااااااااااقا يافندم انا مش عارفة الماوس مكنش راضي ياخد كوبي من الكلام اللي كنت عايزة اعلق عليه فعلى ما جيت هنا نسيت الابيات كانت بتقول ايه الصراحة كلهم حلويييين جداااااااااااا
بس مش حفظتهم عشان اعلق بالضبط

بس تحفة والله ومش مجاملة

* ملحوظة تكادي تكوني مهلكتي يعني اوشكت يعني عبرت اكثر من نصف الطريق نحو هلاكي وده منفاش عنها استمرارية الالهام "



لكن معلش حبيت بس أوضح المعني المقصود بالظبط.


" معتذرش من فضلك ..محصلش شئ ):):): ربنا يعزك يارب "

" انا جيت اقول اننا حطينا لينكات ع اليوتيوب والرابيد شير للحلقة اللي حضرتك معرفتش تسمعها وصادف عيني تعقيبك على كلامي ):):"

لـــولا

هيثــم رمضـــان يقول...

أخي أحمد أعتذر لك علي تأخر الرد وأشكرك جداً علي تشريفك للمدونه وزيارتك الأولي التي أسعدتني جداً وأشكرك علي تعليقك وكلامك الجميل وإن شاء الله هزور مدونتك حاااالاً.

تحياتي

هيثــم رمضـــان يقول...

همسات ساكنه
أشكرك علي وجودك الجميل وعلي كلماتك الرقيقه ,لكن ليس بالضرورة أن يقترن العذاب بالحب فالمحبين في أغلب الأحيان هم من يُعذبون أنفسهم وليس الحب من يعذبهم إلا إذا كانت الظروف خارجه عن إرادتهم وليس لهم ذنب فيها .

تقبلي تحياتي

هيثــم رمضـــان يقول...

لولا

أشكرك جداً علي إهتمامك وردك علي كلامي ونورتيني في التعليقين وأسعد دائماً بتواجدكم هنا.

تحياتي

صدى الصمت - عاشقة الورد - يقول...

الله عليك بجد وعلى كلماتك المتميزة
قصيدة رائعة ومعبرة وحساسة وصادقة
ماشاءالله عليك
دمت متألق كعادتك
تحياتى

هيثــم رمضـــان يقول...

صدي الصمت - عاشقة الورد

والله كتير عليه قوي التعليق الجميل ده ,بشكر حضرتك جداً علي حضورك الرائع وكلماتك الرقيقة وبإذن الله أسعد دائماً بتواجدك هنا.

تحياتي

هناء محمود يقول...

ما شاء الله .. والله وبدون مجاملة ولا مبالغة .... روووووووووعة .. رووووووعة

لو كنت قولت إنها مش ليك ولشاعر كبير جداا .. كنت هصدق

بجد راقية وجميلة ومفيش ولا بيت فيها بيخلو من الجمال والقوة فى المعنى والتصوير المتقن والكلمات المعبرة

ما شاء الله بجد تحفة

تحياتى ليك ولقلمك ربنا يزيد ويبارك

هيثــم رمضـــان يقول...

أم..بوبه
والله مش عارف أقولك إيه علي كل التشجيع ده كده هصدق نفسي, بجد تعليقك أسعدني جداً والحمد الله إن الكلمات البسيطة دي بتعجبكوا , بشكرك جداً علي الثناء وعلي التشجيع ويارب أكتب دايماً حاجات تنال إعجاب الجميع وديماً تنوريني بالزيارة.

تحياتي

زهور الامل يقول...

يااااااااه يا استاذ هيثم
وحياة ربنا وحشتني مدونتك دي جداااا ووحشتني كلماتك واشعارك فوق ما تتصور

بحس ان هنا بيتي التاني مش عارفة ليه

انا اسفة على التاخير والتقصير بس والله غصب عني عندي ظروف صعبة شوية

والقصيدة روعة وقرأتها كذا مرة

هو ده فعلا اللي بيقولوا عليه السهل الممتنع

تحس ان كلماتك بتوصل للقلب بسرعة وبفهما كويس اوي ومفيش غيرك يقدر يكتبها ولا يقولها

تسلم وتسلم ايدك

تحياتي

هيثــم رمضـــان يقول...

زهوووووور الأمل

حمدالله علي السلامة إنتي فين يا بنتي إن شاء الله الظروف الصعبه تعدي علي خير وربنا يقدرلك كل خير , أنا اللي وحشني تعليقاتك الجميلة وحضورك اللي بينور المدونه , وبجد شكراً علي كل الكلام الجميل اللي إنتي قولتيه وأنا بحب الكلام السهل لأن الهدف بيكون وصف إحساس معين أو فكرة معينه في مجرد خاطرة سهله وبسيطه مش المقصود كتابة قصيدة رائعه في اللغه والبلاغه لأن في ناس تانيه فطاحل في الشعر أما أنا فلا أدعي إني شاعر.

تحياتي

فراشة يقول...

الله يا هيثم حلو قوى

صعبة قوى الجملة الاولى (سألت ربي أن أُشفي منكي)
بس هى ماتتقلش غير كده
فعلا جملة قمة فى الوضوح واكثر تعبير مناسب لهذا الحب المزمن

كل جملة جايه فى وقتها وفى مكانها بالظبط
الافكار عندما تتصارع فعلا تشبه الامواج وهى تتلاطم وفى المنتصف يغرق العقل والقلب سويا

وتدرجك للكلمات رائع بدأت بأن حبها علة مزمنه لا تقوى على الشفاء منها ثم تحولها من الملهمة للمهلكة او بمعنى ادق هى الاثنان فى وقت واحد
ثم هى نار لا تقوى على اطفائه واخماده وهى ايضا اسر لا تتمكن من فك قيوده
والعمى والتوهان

ثم نهيتها بخير نهاية وهى اللجوء للرحمن فليس هناك منجد سواه

بجد اكتر من روعه يا هيثم
بحييك بجد
انت عارف رأيى فى كلماتك
تحيه لقلمك المبدع

اسفه على التاخير

هيثــم رمضـــان يقول...

فراااااشة
حمدالله علي السلامة من زمان وإنتي مختفيه يارب يكون خير , كنت خايف أنزل البوست اللي بعده قبل ما تيجي وتعلقي علي البوست ده وكنت مستني الزيارة دي لأن تعليقك بيكون تلقائي جداً وبيعجبني قوي وطبعاً تحليلك كان رائع وعجبني قوي لما قولتي إنها مُلهمه ومهلكه في نفس الوقت , بشكرك جداً جداً علي التحليل والتعليق مع إنه كتير عليه ,ماتغبيش تاني كده وعايز أقرا حاجه عندك قريب إن شاء الله, ودلوقت أقدر أنزل البوست الجديد اللي هيكون في عيد الأم بإذن الله. اه أفتكرت بصراحه في حد كمان كنت أتمني إنه يعلق علي البوست وهي ساره جبالي مش عارف بقي هتلحق ولا لأ .

أكرر شكري لفراشة التدوين علي حضورها الجميل.

تحياتي

رشيد أمديون يقول...

سألت ربي أن اشفى منك
حبك كالعلة في قلبي

أعجبني هذا المطلع فتذكرت كلمات الشاعر الراحل نزار حيث قال:
(ان كنت حبيبي ساعد أن أرحل عنك
ان كن طبيبي ساعدني كي اشفى منك)
.......
......

فيا من أنت ملهمتي
تكادي تكوني مهلكتي

- فعلا لأن (بعض الحب ذباح) كما قال نزار.
وقد تأثرت حبيبتك بحالك فلمحت حزنها في عينيها، فزاد عذابك وانفطر قلبك..

أرى الحزن في عينيك
فلا تحزني علي...
.....
أنا لا أحتمل الدموع على وجنتيك
......
-اسلوب بسيط يعرض عمق الإحساس وكبير المعانات وشعلة متوقدة في ذاخلك تسكب حمم من لهيب الأهات.
أشكرك واحييك.

هيثــم رمضـــان يقول...

أخي رشيد أعتذر لك عن التأخير في الرد وأشكرك بشدة علي زيارتك الأولي للمدونه والتي سعدت بها جداً وعلي تعليقك الجميل والواضح من خلاله أنك قاريء جيد لنزار قباني ,ولكن هناك نقطة بسيطة أحب أن أوضحها لك أن ما أكتبه هنا ليس بالضرورة أن يكون تعبير عن شخصي أنا ولكنه تعبير عن حالة معينه قد تكون واقعية أو خيالية وقد تكون شخصية أو تأثر بالأخر.
سعدت بك جداً وأتمني تكرار الزيارة


تحياتي

الزهرة البرية (Joudy) يقول...

السلام عليكم ورحمة الله وبركاته

بصراحة أنا فضلت أستنى إنى أشوف ليك حاجة جديدة علشان أرد الزيارة ولما مش لقيت

كان لازم أردها وأشكرك جدا إنك نورتنى بوجودك

وكمان أحب أبدى إعجابى بكلماتك

وإن شاء الله أكون ضيفة خفيفة على قلبك

دمت بكل الخير والسعادة

هيثــم رمضـــان يقول...

الزهرة البرية
وعليكم السلام ورحمة الله وبركاتة
أنا اللي بشكرك جداً علي زيارتك الجميلة وطبعاً تكرار الزيارة شيء يسعدني جداً وإن شاء الله تكون الزيارات متبادله بإستمرار ..نورتيني

تحياتي

حياه بلا عنوان يقول...

السلام عليكم ورحمه الله وبركاته
انا حبيت اطمن على حضرتك لان دخلت وملقتش موضوع جديد يارب يكون خير
وان شاء الله يكون فى موضوع جديد قريب
تحياتى

saragebaly يقول...

السلام عليكم ورحمة الله وبركاته ،،

أنـا سمعت الكلام وجيت اهو

وصالحت المدونة الي زعلانة مني ..( بصراحة حقها )

ويارب المدونات التانية متكونش زعلانة مني

لاني كنت بتابع من على بُعد


وعاوزة اقول حاجة كمان

ان البوست دة انا قريته اكتر من مرة
وشربت بسببه كوبايتين نسكافيه محترمين ( رغم انه محظور جدا ) علشان امخمخ واعرف ارد

بس للأسف معرفتش ارد في كل مرة افتح فيها التعليقات

بجد بوست رائع ( ولو اني مش بحب اعلق بكلمة البوست رائع وكدة )

بس بجد البوست دة مميز جدا

انا رغيت كتير .. معلش

في انتظار بوستاتك المميزة

دمت بكل خير وسعادة

سارة

هيثــم رمضـــان يقول...

حياة بلا عنوان
إزيك يا حياة بشكرك جداً علي السؤال أنا بخير والحمد لله وبالنسبه للجديد فإن شاء الله هيكون في جديد قريب.

تحياتي

هيثــم رمضـــان يقول...

Saragebaly
وعليكم السلام ورحمة الله وبركاته
ياااااه أخييييييييراً ظهرتي يا سارة , طبعاً المدونه مش زعلانه منك ولا حاجة لكن كانت مفتقدة تعليقاتك فيها, ومعلش إني كلفتك كوبايتين نسكافيه بحالهم وبشكرك علي رأيك في البوست وبإذن الله يكون فيه جديد قريب بس بلاش موضوع من بعيد ده.

تحياتي

أحمد الصعيدي يقول...

شعر راقي وكلمات عذبة جميلة


تقبل مروري

♥نبع الغرام♥♪≈ يقول...

السلام عليكم

ازيك يا هيثم اخبارك ايه يارب تكون بخير ياغالى

اسفه انى مش دخلت عندك من زمان والله غصب عنى
لما غيرت استايل المدونه نسيت اضيف ناس كتير
عشان كده مش كنت تبعتك كويس

ياريت مش تزعل منى وانا ضفيتك عندى

وان شاء الله اتابعك على طول ياقمر
وياريت تسامحنى على التأخيرررررررر

♥نبع الغرام♥♪≈ يقول...

ياريت مش تزعل منى بليزززززززززززززززز

♥نبع الغرام♥♪≈ يقول...

احساسك جميل واسلوبك متميز ربنا يديم عليك السعاده والفرح

دمت ودام اسمك وقلمك الراقى

تحياتى
ايناس

هيثــم رمضـــان يقول...

إبتسامة ملاك
الله يسلمك يا إيناس أنا الحمد الله بخير وطبعاً مش زعلان منك ولا حاجه إنتي تنوريني في أي وقت وبشكرك جداً علي رأيك في الكلمات , وربنا يديم الموده.

تحياتي

هيثــم رمضـــان يقول...

أحمد الصعيدي
إزيك يا أبو حميد منورني والله وبشكرك علي تعليقك وتواجدك الجميل.

تحياتي

زهور الامل يقول...

يعني ينفع كدة يعني
يعني كدة ينفع طيب

ايه الغيبة الطويلة دي بقى
انتي يعني مش عارف اننا بنستنى اشعارك وكلماتك من البوست للبوست

ايه الغيبة الطويلة دي يا استاذ هيثم
مفيش جديد ليه من زمان
لعل المانع خير يارب

بليز متتاخرش كدة
ولا يعني لازم اجيبلك الراجل اللي بيتحول عفريت علشان ترجع بسرعة
هه اجيبه ولا هترجع؟

Haytham Alsayes يقول...

السلام عليكم

فينك ياستاذ هيثم انا مش شايف بوستات جديدة ليه اشعارك جميلة متحرمش حد منها

تحياتي لك

mira يقول...

حلو الكلام جدا بس احساسها مؤلم
بس لما فى حب حقيقى يبقى ليه الفراق
تحياتى
ميرا

فراشة يقول...

ازيك يا هيثم
فينك وايه الغيبه دى كلها
يارب يكون خير
مستنين كل جميل وجديد عندك

هيثــم رمضـــان يقول...

زهور الأمل

إزيك يا زهور وإزي عفاريتك , بشكرك علي السؤال وربنا يخليكي أنا بس كنت مشغول شويه وكمان كنت مسافر علشان كده ماكنتش ظاهر الفترة اللي فاتت وإن شاء الله هنزل حاجه جديدة النهاردة أو بكره.

شكري وتحياتي لكي

هيثــم رمضـــان يقول...

Haytham Alsayes

الله يسلمك يا أبو الهياثييم ,بشكرك علي سؤالك وتواجدك, أنا رجعت من السفر والجديد قريب إن شاء الله.

تحياتي

هيثــم رمضـــان يقول...

mira
بشكرك جداً علي مشاركتك ومنوره المدونه وعايز أقولك إن الفراق مش دايماً بيكون بسبب عدم وجود حب حقيقي لكن ممكن يكون فيه حب حقيقي ويحصل فراق لظروف خارجه عن إرادة الطرفيين وعموماً زي ما قولت قبل كده إن الخواطر لا تعكس بالضرورة تجربة شخصية لكاتبها فالكاتب يتاثر بما يري ويسمع ويعبر عنه بقلمه أو ربما تكون خاطرة من وحي خيال الكاتب.

تحياتي

هيثــم رمضـــان يقول...

فراشة
الله يسلمكيا فراشة إزيك إنتي يارب تكوني بخير. أنا كنت مشغول شوية وكنت مسافر ,بشكرك جداً يا فراشة علي سؤالك وبالنسبة للجديد أنا كالعادة هرجع للحاجات القديمة وأختار حاجه منها للمدونه.

تحياتي

♥نبع الغرام♥♪≈ يقول...

اخبارك ايه

وايه الغيبه دى قلقتنا عليك ياقمر
ابقا طمنى عليك

ايناس
ابتسامة ملاك سابقا

الملاك الحزين

هيثــم رمضـــان يقول...

الملاك الحزين
إزيك يا إيناس أنا كويس الحمد لله بس كنت مسافر , بشكرك علي السؤال وبعدين أرسي علي أسم بقي بلاش لغبطه دلوقتي الملاك الحزين إبتسامة ملاك سابقاً وقبلها إيناس الأحزان !! بس علي فكره إبتسامة ملاك كان أحسن بلاش حزن في الأسم. نورتيني

تحياتي

فراشة يقول...

حمدالله على السلامه يا هيثم
طبعا مكناش نعرف ابدا انك مسافر
المهم حمدالله على السلامه

اكيد انت القديم بتاعك جميل جدا
بس ليه مش عايز تكتب جديد

على العموم بجد كتباتك كلها جميلة المهم انك ترجع تانى للتدوين

هيثــم رمضـــان يقول...

فراشة

الله يسلمك يا فراشة وأشكرك علي المتابعة أنا بنشر من القديم لأن يمكن يكون في مشروع طباعة كتاب قريب ومعظمة هيكون من الحاجات الجديدة وبعض من القديم وخايف أنشر الجديد ويتسرق زي قبل كده فبحاول أنشر الخواطر اللي مش هتكون في الكتاب علي المدونه لحد ما اسجل اللي هيتنشر في الكتاب وبعد كده أنشره في المدونه بس بصراحه أنا لسه بدرس الخطوه دي ومكسل شوية واللي مخليني متراجع هو عدم تأكدي إن الخواطر ترتقي إلي درجة طباعة كتاب ولا لأ.

وبيني وبينك أعتقد إن الجديد أحلي من القديم وكمان في تنوع شويه في الخواطر ما بين رومانسي وسياسي وشعبي وبين عاميه وفصحي

تحياتي