وفات الوقت دون أن أدري
كتبت في 2007
الخميس، 29 أكتوبر 2009
الأربعاء، 14 أكتوبر 2009
الاثنين، 28 سبتمبر 2009
الأربعاء، 19 أغسطس 2009
ليلــــة رمضــــــان
كل سنه وإنتم طيبين, النهارده بوست مختلف شوية عن طبيعة المدونه بمناسبة الشهر الكريم.
محلاكي يا ليلة رمضان
أنا فاكر ليلة رمضان
شفت الرؤيا وانا فرحان
وخدت أهلي بالاحضان
أهنيهم بشهر القرآن
ونزلت الحارة وانا حيران
أهني مين بقدوم رمضان
وقعدت اقصقص في الزينة
والنور أوام ملا المدينة
وللفانوس علقنا
والزينة قمنا ولزقنا
من شباك خاله شفيقه
لحد اوضة حنتيرة
وكنفاني نصب علي النصية
وكل الناس بقت هايصه
عَمال يلف علي الصاجه
دي كنافة أخر آلاجه
وقطايف كبيرة وعصافيري
وتمنها علي أد ايدي
وبتاع الفول علي الميدان
وجنبه بتاع عيش غلبان
وجبت شوية فول وزتون
وزبادي وفجل وحبة لمون
وشوية وجه عمنا شعبان
يدق الطبله تصحي النعسان
وينادي علي طلبه ومرسي
والواد سيد وعم حسني
وكله قام عشان السحور
ماهو لسه بدري علي الفطور
والفجر قال الله اكبر
يالا يا حوده يالا يا عنتر
ع الجامع روحنا وصلينا
وللشمس قعدنا استنينا
واليوم عدا بسرعة علينا
ورُحت علي عمي ابو سكر
ده عرقسوسه زي السكر
وقعدت استني المدفع
يضرب بسرعة ويطرقع
وباسم الله سمينا
وع الفطار اتلمينا
واتفرجنا علي بكار
لحد ما خلصنا فطار
وبسرعة لقيت كله قام
ع العشا وصلاة القيام
رحُت مع ابويا وصلينا
وعلي الحبايب عدينا
ورجعت ع البيت أغير
وخدت اخويا الصغير
وناديت علي هيمه وانور
وجبنا الكرة ولعبنا
لحد ما كلنا تعبنا
والايام عدت أوام
وعم شعبان غير الكلام
بوم.... بوم...... بوم.......
الوداع الوداع يا شهر الطيبات
الوداع الوداع يا شهرالبركات
الوداع الوداع يا شهرالحسنات
الوداع الوداع يا شهر الصلوات
كُتبت في 2006
السبت، 8 أغسطس 2009
السبت، 25 يوليو 2009
الخميس، 9 يوليو 2009
الأحد، 21 يونيو 2009
إشراقة شمـس
عند إشراقة كل شمس
أُلملم أحزان الأمس
وأسمع في نفسي همس
لا تستسلم لليأس
ويولد أمل جديد
مع كل فجر جديد
اليوم ستأتي حبيبتي
قربها مني جنتي
هي قريبه ولا أراها
لكني أشتقت لرؤياها
هي في قلبي وفي نفسي
صورتها لا تترك عيني
ورنين الصوت في أذني
ويزداد الأمل مع الساعات
في إنتظار تلك اللحظات
تلمحني عيون الناس
وكأن لديهم إحساس
إني غارق في شوقي
فتزيد دقات قلبي
واللهفه تملئ عيني
أُصارع ساعات النهار
يقتلني طول الانتظار
أترقب ما حولي
أتشبث بأملي
ويجيء ببالي أنك أتيه
فتغمرني فرحة عارمه
وأقول أحياناً لن تأتي
فيحتل الحزن ملامح وجهي
وتمر علي الساعات
وتكثر في قلبي الاهات
ويحين وقت الغروب
فيشرع الامل في الهروب
ويأتي الليل وتغيب الشمس
وينخفض صوت الهمس
فيعود لقلبي اليأس
وتعود أحزان الامس
فأنتظر أشراقة شمس
كتبت في 2008
الاشتراك في:
الرسائل (Atom)